المساعد الشخصي الرقمي

مشاهدة النسخة كاملة : كيفية الشراء من الموقع العملاق Ebay



mot1639
07-23-2007, 09:00 PM
السلام عليكم ... إسمحولي على هذا الإنقطاع الطويل .... بس هاي المره إنشالله منعوض عليكم ترقبوا السلسلة الشراء عن طريق المواقع العملاقه ebay و amazon المواقع الاخرى ..... وإنشاالله نبدأ أول شي من موقع ebay وبعد ذلك إلى موقع أمازون .... .... وإنشاالله إذا كانت الامور بخير منتعلم كيفية الشراء من أكبر مواقع wholesale أو البيع بالجملة .... ترقبونا ... وإنشالله ما بتحصلون إلا كل خير من هذا المنتدى ...

تحياتي للجميع ...

ريم دبي
07-23-2007, 09:37 PM
نورت اخوي بطلتك علينا

نتريا جديدك

الــهــادئ
07-23-2007, 10:40 PM
هلآ اخويه mot1639

نيغي نشوف إبداعاتك يا عزيزي

موفق

mot1639
07-23-2007, 10:41 PM
بسم الله الرحمن الرحيم ...

الشراء عبر الموقع العملاق ebay ....

قبل كل شي لازم تملك ماستر كارد ومسجل في موقع paypal >>> وهذا كنت كاتبنه في موضوع سابق ..

http://www.uaelady.net/vb/showthread.php?t=2100

أول شي منتكلم عن الصفحة الرئيسية لموقع ebay .. والارقام في الصورة بالتوضح هذا الشي ...


1-ebay express : هو الشكل اليديد لموقع إيبي ...بس ما زال تحت التجربة ..
2- ebay motors : هذا الفرع ماله فايدة إلا إلي عندهم ربع من أمريكا يختار السيارة إلي يباه وياخذ رقم الريال ويتفق على معها على المكان لمعاينة السيارة ....
3- ebay stores : هو الفرع لكبار الشركات في أمريكا .. ماخذة فرع من الموقع حتى تقدر تبيع ...
4- ebay busness : هذا الفرع عشان تبيع في أمريكا ... بس لنا في الشرق الأوسط ماله فايدة ومنتحدث عنها إنشاالله
5- هذه الخانة للبحث عن أي سلعة تتمناها .... موجودة داخل
6- التسجيل في الموقع ..
http://www.m5zn.com/uploads/d0657c63d1.JPG

ترقبو الجزء الثاني لمعرفة كيفية التسجيل ...

mot1639
07-24-2007, 12:24 AM
كيفية التسجيل ... طبعا الموقع أبد لا يرسل الطلبات إلى الشرق الأوسط ... هنا تأتي فايدت بطاقة آرامكس ... ((إلي يعطونك عنوان في أمركيا والولايات المتحدة )) ....
أملء الخانات بالعنوان إلي عطوك إياه آرامكس بالظبط ..

http://www.m5zn.com/uploads/d9f780d707.JPG
وبعد ذلك أختارلك يسير نيم وباسورد ...

http://www.m5zn.com/uploads/89dd724805.JPG

العملية إلي تتبع هاي بطلب منك رقم الماستركارد او الفيزا ... وعطه إياه ... لأن قيمة التسجيل تقريبا 5 دراهم ... .


طبعا الفيزا تكون @surfer ..

بعد التأكد من عملية التسجيل .... تصبح عضوا في مموقع إيبي


ترقبوا الخطوة الثانية سوف أقوم بشراء سلعة .... وكيفية إدارح حساب paypal لعملية الدفع ...

تحياتي للجميع

mot1639
07-24-2007, 02:07 AM
تكملة الشراء من موقع ebay >>>

للعلم فقط أنا وأعوذ بالله من كلمة أنا .... صارلي أشترلي من موقع ebay من حولي 3 سنوات من دون أن أحد يسرقني .....وحتى ول سمح الله وما وصلت البضاعة ممكن عن طريق موقع paypal تسترجع بيزاتك ...

أنا ألحين أبا أشتري vaio laptop وكتبته في خانة البحث ... وظهرتلي هاي النتيجة ...

http://www.m5zn.com/uploads/be98950181.JPG
1- أخترت أنا هذا الابتوب ....
2- مرات يكون سعر بداية المزاد وايد نازل ولازم أزايد على السلعة حتى إنتهاء العرض عليها وتكون من نصيبك ...
3- أما الخانة رقم 3 ... .والمكتوب عليها buy it now ما يحتاي تتريا لين ينتي العرض ... تشتريها على طول ..... أنا شريت السلعة على طول
4- مدة عرض السلعة ....

أنا أخترت هذا laptop وإنكمل .... في الجزء الرابع ... تحياتي

الــهــادئ
07-24-2007, 03:51 AM
ماشاءالله عليك كفيت ووفيت يا عزيزي mot1639

دفشه في حياتها
07-24-2007, 04:04 AM
مشكور اخوي على هذه المعلومات

mot1639
07-24-2007, 01:11 PM
السلام عليكم ...

نكمل في الجزء الرابع ....
الأرقام في اصورة ....
1- إظغط على buy it now وبتيك صفحة الدفع
2- يقولك أنها ما ترسل إلا في الاولايات المتحدة ...((وهنا تي فايدة بطاقة أرامكس )))
3- قيمة shipping
4- الكمية المتوفر لدى الشخص أو الشركة ...
نزل تحت بتلقا مواصفات الجهاز وإذا مستعمل ول يديد ... وبيك قسم shipping يتكلم عن القيمة والوقت إلي الشركة بطرش فيه الجهاز .... .
http://www.m5zn.com/uploads/c4b8748735.JPG

http://www.m5zn.com/uploads/84afb8106f.JPG

http://www.m5zn.com/uploads/c15f882ee8.JPG

http://www.m5zn.com/uploads/e6407b70de.JPG


تقبوا في الجزء الخامس والأخير إكمال علمية الدفع و shipping ..... تحياتي للجميع ...

ام خمــاس
07-24-2007, 03:42 PM
بصراحه فكره حلوه للشراء من امريكا

هل هذه العمليه مضمونه من ناحيت الشراء يعني مافيها اي نصب او احتيال ولا غش ؟

mot1639
07-24-2007, 05:42 PM
حمدالله يا أم خماس ... مثل ما ذكرت من قبل أني أتعامل مع هذا الموقع من 3 سنوات تقريبا ... حتى الآن ما واجهتني مثل هاي المشاكل ..... أنا الصراحة في بعض المواقع العربية إلي تعرض سلع للناس واجهتني هاي المشاكل ... و ما شفنا شي من الأجانب .!!!!!!!!!!!!!!!!!!!!!!!!!!!!!!!!! شي غريب ...

تحياتي .. .

mot1639
07-24-2007, 06:04 PM
[CENTER]بسم الله الرحمن الرحيم ...
بندأ بالجزء الخامس الخاص بموقع ebay

بعد ما شفت مواصفات الجهاز وقررت إذا تبا الزايد أو تشتريه على طول وشفت قيمة shipping

تيك هاي الصفحة :::

http://www.m5zn.com/uploads/f66eafbe24.JPG

بعد ذلك تيك هاي الصفحة ......

http://www.m5zn.com/uploads/daa70cfb08.JPG

بعد ذلك التأكيد على عملية الشراء

http://www.m5zn.com/uploads/5899c05799.JPG

mot1639
07-24-2007, 06:05 PM
بعد ذلك الصورة بتشرح كل شي ...

http://www.m5zn.com/uploads/cdedb59b52.JPG

بعد ذلك ...
http://www.m5zn.com/uploads/d83a63c2db.JPG

وآخر عملية
http://www.m5zn.com/uploads/abc3e4c072.JPG

ونقول مبروك ... وإنشاالله البضاعة تكون عندك بع 5-9 أيام بالكثير

تحياتي لكم .... ترقبو الجزء الخاص بموقع amazon .... وأي أستفسار انا جاهز [/CENTER]

ام خمــاس
07-26-2007, 04:38 AM
الله يعطيك العافيه

دفشه في حياتها
08-07-2007, 05:53 AM
ماشاءالله عليك اخوي جهد طيب منك

جزاك الله خير

uae4remix
08-15-2007, 09:51 PM
تسلمووون على هالشرح الوافي


وبميزان حسناااتكم ان شااء الله


والله يعطيكم العافيه

3ainawi
08-25-2007, 02:15 AM
تسلم أخوي على المعلومات المفيدة

بس هل ارامكس ياخذ عنك شئ على الشحن من امريكا إلى الامارات

غير سعر الشحن اللي مكتوب في صفحة السلعة نفسها

ولو ياخذ كم ياخذ ؟؟

mot1639
08-25-2007, 02:18 AM
السلام عليكم .... ومرحبابك في المنتدى ..

ياخذون على أول نص كيلو 25 درهم وبعد ذلك أي نص كيلو ب 20 درهم ....

زين يا خوي لو أنهم يطرشون سيده الامارات .... بس هذا ما بستوي إلا يوم يسون للإمارات zip code مثل إلي في نيورك 11413 ....

تحياتي ...

شواخي
08-25-2007, 01:24 PM
السلام عليكم ..

السموحه اخوي ازعجناك ..


بس بغيت اسأل .. حتى لو انا مب في الامارات اسوي هالطريقه على طول ؟ ولا في خطوات بعد ؟

لان انا من قطر مب من الامارات ومن زمان خاطري اشتري من النت بس مب عارفه شلون

mot1639
08-25-2007, 01:37 PM
عليكم السلام... تراه لا إزعاج ولا شي ... ومرحبابج في المنتدى ...

هي نعم الخدمة متوفر عندكم في قطر حسب الموقع
www.aramex.com
وهاي أسعار أول نص كيلو ... وعقب أي نص كيلو ثابت سعره ...
http://www.m5zn.com/uploads/cc50de13c7.JPG

روحي لأقرب شركة آرامكس عندكم وخليهم يفتحولج عنوان في أمركيا ... تقريبا ب 35$ طول العمر ...
هذا عنوانهم في قطر ..

http://www.m5zn.com/uploads/5cd859eb07.JPG
تحياتي ................

شواخي
08-25-2007, 01:52 PM
مشكور وايد ماتقصر .. :)

شواخي
08-25-2007, 02:53 PM
انزين اخوي عندي سؤال ثاني :

البضاعه الي مكتوبه عندها buy it now هذا الي نقدر نشتريه على طول مثل ماقلت صح ..

أما الي مب مكتوب عنده شسوي عشان اشتري .. ولا بس أنفذ الطريقة عليه واشتريه على طول ؟

ولا ايش .. ممكن تشرح لي اخوي ؟

هو مكتوب احذاه paypal بس



ومرات تطلع هالجمله NO INTERNATIONAL BIDDER PLEASE!
هالمشكله اتدبرها شرمة ارامكس؟

mot1639
08-25-2007, 03:13 PM
السلام عليكم

شوفي أختي إتبعي الصور ...

http://www.m5zn.com/uploads/0301b16688.JPG
1- عدد المزايدين
2- المزايدة وين وصلت
4- قمية الشحن
3- الوقت المتبقي لنهاية المزايدة .....
5- بداية المزايدة
6- لا يوجد مزايدين حتى الآن
7- قمية الشحن
8- الوقت المتبقي

مثلا لقيتي لا بتوب قميته 200 دولار وتميت إزايدين عليه حتى إنتهاء وقت المزايدة ...ووصل مثلا 250 دولار ....بيكون من نصيبج بهاي البساطة ...

ولازم تشتركين في موقع paypal >>>>

تحيايتي

شواخي
08-25-2007, 03:18 PM
أوكي بس شلون ازايد عليه يعني؟

شواخي
08-25-2007, 03:19 PM
واخوي ماجاوبت على سؤال ..





ومرات تطلع هالجمله NO INTERNATIONAL BIDDER PLEASE!
هالمشكله اتدبرها شرمة ارامكس؟

mot1639
08-25-2007, 03:38 PM
أختي يوم تين وسجلين في ebay سجلي العنوان إلي عطوج إياه أرامكس ...... يوم يطلب منج عنوانج الكامل ....

هاي الجملة معاناها NO INTERNATIONAL BIDDER PLEASE ((لا نقبل المزايدين الدولين ))))

أما إذا بغيتي أزايدن إضغطي على السلعة إلي تبينها وبتلقين كلمه place Bid

http://www.m5zn.com/uploads/0e1192b221.JPG

c_candy_girl
08-26-2007, 02:16 AM
جميل جدآ بارك الله فيك اخوي

3ainawi
08-29-2007, 06:11 PM
Essalam 3alaikom o5ooy
Wallah ana sawait mithil ma gelt. w ishtirakt fe Shop & Ship

W sawait be6a8at internet min bank HSBC

W al7een aba ashtiri min mawqe3. Wel mawqe3 6aleb minni a7e6 El billing Address

Wel mawqe3 kateb ba3ad ennah el billing address lazem ykoon mithil el shipping address

----------------------------
For fraud protection purposes, we require that all address information match what is on file with the credit card company. If you are shipping to an address other than your billing address, the shipping address must also be listed with your financial institution as an alternate address. This can easily be done by calling the number on your statement or the back of your credit card. It only takes a few minutes and does not affect your billing information at all. If both addresses are on file with the credit card company, you still may receive an automated email regarding verification of your address.
-----------------------------

Shoo hoo el 7al
Hal akteb el Address mal baiti aw ell address elli 3a6atni eyah Aramex

W esma7li o5ooy 3alla el ketaba bel englizi

mot1639
09-01-2007, 01:16 AM
أخوي أنت تقصد من موقع ebay >>>>>>

إذا تقصد موقع ebay لازم تشترك في موقع paypal .... وأنا ذاكر الطريقة في مشاركة سابقة .... ...أهم شي يوم تي واسجل في موقع paypal أكتب عنوانك كامل في الإمارات ....ودخل بعد رقم بطاقة الماستر كارد

يوم إسجل في ebay أكتب عنوان أرامكس ...... ويوم تختار القطعة .... إلي تباها أختار الدفع عن طريق paypal >>>>>> فقط أكتب اليوزر نيم والباسوردد مال موقع paypal وإوتماتيك بياخذ من موقع paypal بلا اي مشاكل ....


وإذا تقصد موقع ثاني قولي عنه .... واي إستفسار أنا جاهز ...


تحياتي لك

3ainawi
09-02-2007, 08:57 PM
o5ooy ana el youm de5alt eBay chan ye6ali3ly hatha
----------------------------
We regret to inform you that your eBay account has been suspended due to concerns we have for the safety and integrity of the eBay community.

"Abusing eBay" of the eBay User Agreement states, in part:

"...we may limit, suspend, or terminate our service and user accounts, prohibit access to our website, remove hosted content, and take technical and legal steps to keep users off the Site if we think that they are creating problems, possible legal liabilities, or acting inconsistently with the letter or spirit of our policies."

Due to the suspension of this account, please be advised you are prohibited from using eBay in any way. This includes the registering of a new account.

Please note that any seller fees due to eBay will immediately become due and payable. eBay will charge any amounts you have not previously disputed to the billing method currently on file.

Regards,

eBay Trust & Safety
------------------------------------------

shoo el mishkilla o5ooy? laish 6erdoani?!
Ana ma sawait shay, w ba3adni 7ata ma ishtirait shay!!!

khaledmr
09-03-2007, 07:33 PM
السلام عليكم ورحمة الله وبركاته.

اخوي الصراحه ماقصرت وفيت وكفيت جزاءك الله كل خير ..

عندي طال عمرك سؤال بسيط واجوا نمك ان تجاوبني عليه وهو ارمكس عطوني عنواني بامريكا وحطيت بالموقع e bay البيانات المطلوبة بس الا حيرني ( رقم AUH ) الا هو ماعتقد انه رقم الصندوق وين احطيه مع العلم اني في بداية التسجيل بالموقع .....


واليوم سرت بنك ابوظبي الوطني وطلبت منهم بطاقة سيفر كارد ... بس في امكانية اني استخدم بطاقة الفيزاء للتسجيل مؤقتاً لين ماحصل على البطاقة ... وشكراً اخوي



((( سبحان الله وبحمده سبحان الله العظيم )))

mot1639
09-04-2007, 12:15 AM
السلام عليكم ..... ومرحبابك في المنتدى ....

أخوي انا حاولت أدور هذا الرقم بس ما ليقيته ... ممكن اسوي برنت سكرين ..... وتراويني شو مكتوب ........ اما بخصوص البطاقة .... فأنت في موقع إيبي ... هب مشكلة إستخدم الفيزا وبياخذون عنك درهم واحد ..... أما يوم تي واسجل في بيبال .... لا أدخل رقم الفيزا .... عطهم السيرفر كارد لأنها شركة .... وبعدين إذا أي واحد سرق الباسورد مال بي بال ...يقدر يسحب إلي يباه .....

تحياتي لك

c_candy_girl
09-04-2007, 12:27 AM
الله يعطيك العافيه اخوي

فرعون صغير
09-08-2007, 08:14 AM
بالتوفيق اخوي

jarjar
11-22-2007, 08:49 PM
thanks very much

jarjar
11-22-2007, 09:03 PM
thank you for help

مجرد إنسان
12-16-2007, 10:35 AM
شكرا على هالمعلومات المهمة

أنا الصراحة شريت من إي بي عن طريق وسيطك
http://www.waseetek.com

ومعلوماتك جدا قيمة ومفيدة

بنت الإمارات
12-16-2007, 11:08 AM
مشكور إخوي

noor7
02-21-2008, 06:37 AM
السلام عليكم ورحمة الله وبركاته
انا من سكان السعوديه وانا سعوديه
من سنتين فقط بدات بالتعامل مع موقع ايباي عن طريق وحده من اقربي
كانت هي تطلب الطلب عن طريقها وتوصله لي
وطبعا هي عندها لغة انجليزيه بعكسي مو مره بالانجلش
لكن الان هي على كلامها انو خلاص ما نقدر نطلب استغربت وسالتها واشرحت لي طريقة الطلب وهي كالتالي
انو لازم تكون في بطاقة اسمها بيبال هذي البطاقه تتطلب انها تكون باوربا او بريطانيا وانو يكون احد فاتحها لي هناك ويكون فيها حساب طبعا صاحبتها اللي ببريطانيا افتحتها معها فترة طويله والان انتهت قفلت منها
ومشكلتي انا ما اعرف انجلش عشان اتعامل مع احد او احد يساعدني من برا
بس ابغي مساعدتكم
*ممكن افتح البطاقه بالسعوديه ولا ... لأ بحيث يكون الطلب آمن
*طيب لو انسدت الابواب بوجهي وما قدرت اتعامل مع الموقع مره ثانيه في موقع عربي شبيه له او اجنبي لكن يكون سهل الطلب منه ببطاقه موجوده عندنا
*ابغي مساعدتكم عاجلا الله يوفقكم

:36_1_6[1]

دوودي11
03-17-2008, 08:12 PM
ياليت الي يعرف ايميل الاخ mot1639 يقول لي لاني محتاجه مساعدته في الايباي ضروري

mot1639
08-17-2008, 04:29 PM
هذا إيميلي
mot1639@hotmail.com

The Dream
08-24-2008, 04:04 PM
السلام عليكم ورحمة الله

اولا اشكرك اخوي mot1639 على جهدك الملحوظ في خدمة الاعضاء .. وجعلها الله في ميزان حسناتك

وعندي سؤال ولوسمحت اذا تفيدني جزاك الله خير

مثل ماتفضلت ان ارامكس تعطيك صندوق بريد واحد في امريكا والثاني في بريطاني..
انزين

يوم ابغي اسجل في موقع ebay ويطلب مني اني احط عنواني ... انا حطيت عنواني اللي في امريكا وللحين كل البضايع اللي ابغيها تشحن لأمريكا ..
وعنواني اللي في بريطانيا للحين ما استفدت منه واصلا ماعرف كيف احطه

لانه بس اقدر احط عنوان واحد على ما اعتقد ؟؟

mot1639
08-29-2008, 02:03 AM
أخوي ما تحتاج عنوان برطانيا إلا إذا بتشتري من مكان في برطانيا أحسن ما يروح من برطانيا إلى أمريكا ثم إلى الإمارات
تحياتي

mfgor
10-20-2008, 02:46 PM
مشكوووووووووووووووور لكم جدا جدا على هذه الخدمات والمساعدات الرائعة

مراقب الاقمار
03-15-2009, 12:52 PM
بس حبيبي

الصور ماضهررررت

وانا اريد هذا الموووضوووووووع ضرورررررري


ايش الحل

محمد عبد الخالق
04-16-2009, 01:34 AM
يا جماعة انا معايا عملة نحاسية قديمة نادرة من عام 1277ه ضرب في مصر للبيع ب 1000 دولار رقم الهاتف للاستفسار او الشراء (مصر) 0101528605

عبدالعزيز عبدالرحمن
05-02-2009, 02:10 AM
انا امسوي لي اكونت من ارمكس في امريكا ومسجل مع ebay بس كل ما ابي اشتري شي موقع ebay يطلب مني رقم تلفون وانا دخلت رقم تلفون ارمكس الي في امريكا بس موقع ebay يطلع من فتح الخط بس انا مادري شنو السالفه اي رقم ادخله علشان يصير اوكي

بليز والي يسلمكم الي امسجلفي موقع ebay ويعرف شنو السالفه اترجاء انه يعلكمني شنو السالفه وبكون له شاكر طول عمري

وسمحوني اذا ضايقتكم اخوكم عبدالعزيز من البحرين

السيدة الحلوه
11-08-2009, 09:12 AM
بصراحه فكره حلوه للشراء من امريكا

هل هذه العمليه مضمونه من ناحيت الشراء يعني مافيها اي نصب او احتيال ولا غش ؟

yasser45
11-23-2010, 04:56 PM
بسم الله الرحمن الرحيم ...

الشراء عبر الموقع العملاق ebay ....

قبل كل شي لازم تملك ماستر كارد ومسجل في موقع paypal >>> وهذا كنت كاتبنه في موضوع سابق ..

http://www.uaelady.net/vb/showthread.php?t=2100

أول شي منتكلم عن الصفحة الرئيسية لموقع ebay .. والارقام في الصورة بالتوضح هذا الشي ...


1-ebay express : هو الشكل اليديد لموقع إيبي ...بس ما زال تحت التجربة ..


الففففففففففففففففففففف شكر على المجهود
2- ebay motors : هذا الفرع ماله فايدة إلا إلي عندهم ربع من أمريكا يختار السيارة إلي يباه وياخذ رقم الريال ويتفق على معها على المكان لمعاينة السيارة ....
3- ebay stores : هو الفرع لكبار الشركات في أمريكا .. ماخذة فرع من الموقع حتى تقدر تبيع ...
4- ebay busness : هذا الفرع عشان تبيع في أمريكا ... بس لنا في الشرق الأوسط ماله فايدة ومنتحدث عنها إنشاالله
5- هذه الخانة للبحث عن أي سلعة تتمناها .... موجودة داخل
6- التسجيل في الموقع ..
http://www.m5zn.com/uploads/d0657c63d1.JPG

ترقبو الجزء الثاني لمعرفة كيفية التسجيل ...
الفففففففففففففشكر